NAPTIP operatives don rescue nine pregnant women from one baby factory wey dey Abuja .  Di agency talk say dem get di women from one apartment wey dey inside one big estate for Ushafa area, Federal Capital Territory.

Di Press Officer of NAPTIP, Mr. Vincent Adekoye, reveal say di raid happen because of tip-off from one concerned citizen. Him talk say di victims be locked up for di apartment by one suspected trafficking agent, wey recruit dem through online platform.

Di Director-General of NAPTIP, Hajia Binta Adamu-Bello, hail di Judiciary for dia judgment on Bishop Kenneth Duke, wey rape one 12-year-old girl, daughter of one of him church members. Di DG talk say di judgment go serve as warning to odas, and say NAPTIP no go spare anybody wey violate dia laws.

Hajia Binta Adamu-Bello talk say, "Rape be serious crime wey get everlasting psychological effect and trauma on di victim. We must all rise to say no to dis heinous crime and ensure say we protect our children."