Operatives of EFCC Benin Zonal Office don arrest one man wey dem call Olawole Sunday, wey dem suspect say na fraudster wey dey buy people bank account details to scam innocent people.

 

According to EFCC, Sunday dey encourage young people make dem open different bank accounts, then he go pay dem either ₦25,000 or ₦50,000 per account. After payment, he go collect their bank details, including ATM cards, use am do fraud.

 

Na one case wey involve ₦2 million wey he scam from one person under the lie say na forex trading, expose am. He use the bank account of one Uyi Godstime Eghosa do the transaction.

 

When EFCC arrest Eghosa, the guy talk say he no know say dem use him account scam person. He confess say na Sunday give am ₦25,000 to collect the account details and ATM card.

 

As dem arrest Sunday, he gree say na true and he go face court once EFCC finish investigation.