Police for Enugu State don arrest one woman and her two pikin after dem allegedly break their landlord head with pestle for Umugbabe Ovoko community, Igbo-Eze South LGA.

According to Chijinkem Ugwuanyi, wey be media personality for Enugu, di wahala start when di landlord tell di woman make she pack comot for e house. Instead of di woman to gree, she and her pikin attack di young man wey be orphan.

Ugwuanyi yarn for Facebook say di boy allow di woman stay with am because e no get family and di house too big. But instead of peace, di woman use pestle scatter e head.

Di police don arrest di woman and her two children, and dem dey cool off for Ibagwa Aka police station as dem go face di law. Meanwhile, di landlord dey recover from di injury.