Una no go escape for my hand: Buhari yan Ogbogidi people

July 07 09:58 2019


Oga patapata for obodo Nigeria, President Muhammadu Buhari don touch sand come swear say the federal government no go allow anybody wey be Killer to go unpunished.

The President yan this at the 2019 Nigerian Army Day Celebration (NADCEL) held at the Ikeja Cantonment, Lagos, to commemoration 156 years wey Army don dey work for our Obodo country.

Buhari wey him Vice, Yemi Osinbajo come stand in for, say we federal government dey work seriously with other states to contain herders-farmers conflicts, banditry and terrorism, him come tuwale for our army for its efforts to make sure say our country no scatter.

He say the government no go allow anybody make him maim, kill or commit other crimes and escape. “It is our duty to apprehend and punish these criminals and we are doing and will continue to do so” him come talk.

He come further talk say herder and farmer conflicts, random killings, banditry and kidnapping some wey dem dey accuse the Fulani bandits, in different parts of the country na part of the challenges wey Army don intervene from time to time. “I want to reassure all Nigerians that these issues are being seriously tackled by the Federal Government, working with the states, through a multi-pronged approach”.

President come dey promise say very soon we go dey hear more about these solutions.

When him dey talk, the Chief of Army Staff, Lt. -Gen. Tukur Buratai, say the Army Day na opportunity for them to showcase the history, values, achievements and combat capacity of the Army.
Buratai come promise say the Army go continue to be ruthless to all the ogbogidi people wey no wan make we get peace for we country.

” We are all aware that the country is facing numerous security challenges and this has necessitated our involvement in conducting operations aimed at tackling the numerous nefarious acts of criminal elements to restore sanity to our dear country.

“Our efforts must not be relaxed until we have achieved the complete defeat of insurgency and other criminalities in the country,” na so him talk.

Buratai come thank President Buhari, the legislature and State Governments for the support and encouragement wey them give the Army.

They give plenty people Chief of Army Staff Commendation Awards for their operational excellence, bravery, gallantry, innovative services and contributions to the development of the Nigerian Army.

Each awardee get N2 million cash reward. They unveil the first indigenous Light Armoured vehicles.

So many dignitaries present at the occasion.

  Categories:
view more articles

About Article Author

write a comment

0 Comments

No Comments Yet!

You can be the one to start a conversation.

Add a Comment