Victor Osimhen don open up say di  1-1 draw wey Super Eagles play against Zimbabwe pain am well well, because na match wey dem suppose win.

 

“I no go lie, I vex. That Zimbabwe match? We suppose don carry three points. We get di lead, we control di game, then just like that, we lose am.”

 

“When I score, I feel relief. I tell myself, ‘Yes, na we go win this match.’ But football fit wicked. Last-minute goal, just seconds before final whistle, scatter everything. When ref blow full-time, e pain me sotay I no fit hold my emotions.”

 

“Boniface try calm me down, but that moment, I no wan hear anything. No be say I dey disrespect anybody, but e just pain me. Every time I enter pitch, I dey give my all—no be just for myself, but for di team, for Nigeria, for di fans wey believe in us.”

 

“We need that win. We need those points. Now, we must fight harder if we wan qualify for di World Cup. E never finish, but we no fit dey repeat di same mistakes. I just want make we do better, because Nigeria deserve nothing less.”