One man for Uttar Pradesh, India, don do wetin people no expect—e arrange marriage for e wife and her lover after e catch dem dey do secret romance.

 

Di man, Babloo, wey don marry Radhika since 2017 and get two children with am (7 & 9 years old), dey always travel go find money. But while e dey hustle, e wife begin run things with another man for di village.

 

When Babloo family hear di gist, dem tell am, and e try settle with him wife, but e no work. As e see say di matter no get solution, e carry di case go meet villagers.

 

Instead of fight or wahala, Babloo decide say e go just marry e wife give her lover. E first carry dem go court do proper wedding, then dem go temple go exchange wedding vows and garlands.

 

For video wey surface online, Radhika dey cry as she dey marry her lover while her husband dey look.

 

Di only thing wey Babloo request na say make e keep e two pikin, and Radhika agree after e don marry her lover.