Former Labour Party man, Kenneth Okonkwo, don compare how JAMB Oga, Professor Is-haq Oloyede, take handle wahala for him office, with how INEC Chairman, Mahmood Yakubu, take do during 2023 election.

 

For one interview wey him do with Channels TV, Okonkwo hail Professor Oloyede say the man no fear to talk say JAMB make mistake, him even do proper investigation, apologize to Nigerians and find way to fix the problem.

 

Okonkwo talk say, “Dem remind Oloyede, wey be JAMB Registrar, say people don complain, and dem check am, see say the people dey right.”

 

From there, Okonkwo begin talk about 2023 presidential election. He say INEC talk say dem get technical problem when dem dey count vote, but Yakubu still go ahead announce result, even when opposition people complain and even play audio wey show say something no clear.

 

Okonkwo come talk say, “People complain to Yakubu that day wey him dey declare result, dem even play him voice for am, but the man still go ahead and say make dem go court. That na the difference between person wey get honour and person wey no get.”

 

Him statement na still part of the talk wey many Nigerians dey talk about how election matter suppose clear and straight, and how people like Oloyede dey show better example.