Nigerian Army troops of 112 Task Force Battalion and 22 Brigade wey dey for clearance operations tagged “Halaka Dodo” within Sector 1 Operation LAFIYA DOLE, in collabo with members of Civilian Joint Task Force and Vigilante group on Saturday 22 June, 2019 conduct ogbonge clearance operation for Kobe and Boboshe villages .
The troops discover some new new camps for Dubula village with some road wey only bicycles and motorcycle dey follow. The soldiers dem, kwai one of the Boko boys wey wan pick race, come destroy the camp.
The things wey dey recover from them include: Two terrorists’ flags, two copies of Quran, One Generator Set and two bicycles. Also, 13 women and 26 children were rescued during the operation.
Nigerian Army Regimental Medical Officers administer polio vaccines for 24 of the children wey dem rescue. This one dey in line for the Chief of Army Staff directive on the collabo wey dey between the Nigerian Army and National Primary Health Care Development Agency.
Also, the Acting Commanding Officer of 202 Battalion in conjunction with Civilian Joint Task Force, Vigilante and Hunters do clearance operation for Tafana 1 and Tafana 2 villages.
The troops jam body with some terrorists wey pick race, but the Troops kwai two of them. The Troops rescue 2 men, 29 women and 25 children during the operation.
Things wey dem recovered from dem na two boxes filled with Quran, two terrorists’ flags, five bicycles, five SIM cards of different networks and assorted clothing materials.
Wetin the Troops discover for all the operations and victims rescued, be say, as rain don dey come, the Terrorists dey use dem to farm, so dt dey go dey get food wey dem go dey take sustain themselves.
Meanwhile, the Chief of Army Staff Lieutenant General Tukur Yusuf Buratai don tell the soldiers say make dem dey kajad, upscale their patriotism and continue to dominate the battle space with aggressive decisive clearance operations from all flanks to ensure the looming defeat of terrorists of whatever shades in North East Zone.